Euskonews-en zure iritzien berri izan nahi dugu. Bidal itzazu!
Euskonews aldizkarian parte hartu nahi al duzu?
Artetsu Saria 2005
Arbaso Elkarteak Eusko Ikaskuntzari 2005eko Artetsu sarietako bat eman dio Euskonewseko Artisautza atalarengatik
Buber Saria 2003
On line komunikabide onenari Buber Saria 2003. Euskonews
Argia Saria 1999
Astekari elektronikoari Merezimenduzko Saria
Egilea: Jon Kortazar Uriarte (zuz.)
Argitaletxea: Euskal Herriko Unibertsitatea, 2012
Orrialde kopurua: 240
ISBN: 978-84-9860-665-2
Ezaugarriak: Estatutua onartu ondoren Autonomia Erkidegoan eratu erakundeek
abian jarririko kultur politikekin batera beste literatur genero batzuetan
gertatutako loraldia ez da garapen munta berekoa izan literatura
dramatikoari dagokionez. Lan honek, aldez edo moldez, Estatutua
onartu zenetik gaur arte mugaz alde bietan argitaraturiko literatura
dramatikoa aztertzea izan du helburu lehen. Literatura dramatikoa
berezia da, oso, edozein hizkuntzatako eta kulturatako literatur
sisteman, bakarkako irakurketa isilaz gain, beste bat izaten duelako
dramaturgo eta antzerki zuzendarien bitartez, izan ere, jendaurreko
antzezpenean gertatzen den ikus-entzunezkoa: hartan, hartzaileak
elkarren ondoan egoten dira, bakarkako irakurketaren isolamendua
ekintza erritual batean gaindituta.
Lan honek hiru ondorio nagusi aurkeztuko ditu: lehena, literatura
dramatikoa, ahozko literaturarekin lotura moduko bat izanik, ekialdeko
literatur sisteman indar handiagoa duela mendebaldeko sisteman baino
—azkeneko horretan ia bazterrekoa da—, euskal literaturari eragin
diezaioketen egitura politiko-administratiboak mendebaldekoan egon
arren; bigarrena, amildegi igarogaitz halako bat dagoela argitaratzen
den literatura dramatikotik antzezten diren euskal antzezlanetaraino,
oso-oso lan gutxi igarotzen direlako paperetik agertokira, ia hutsaren
hurrengo izateraino; hirugarrena, itxaropentsuago gerta daitekeena,
bere txikian, euskal antzerki literatoen emaitzak, antzokietara heldu ez
arren, ez daudela mundu zabalean idazten direnetatik hain urrun, eta
horrek itxaropenari leihotxo bat zabaldu liezaioke.
